Propaganda është një ndër gjërat më jetike për "Rilindjen" dhe mjeti me të cilin përpiqen t'iu hedhin hi syve shqiptarëve, veçanërisht në rrjetet sociale.
Që propaganda të jetë sa më "e besueshme", duhet të përfshihen edhe punonjësit e administratës, të cilët jo rrallë detyrohen t'u pëlqejnë apo shpërndajnë në profilet, faqet ose grupet e tyre, statuse të kryeministrit, ministrave apo drejtorëve përkatës.
Së fundmi, disa foto kanë mbërritur në redaksinë e JOQ Albania, që tregojnë më së miri se si funksionon meganizmi propagandistik i "Rilindjes".
Fotot janë marrë nga një grup WhatApp-i, i Drejtorisë së Kontrollit Tatimor, Shkodër.
Siç shihet dhe në fotot e mëposhtme, anëtarëve të grupit, të cilët janë punonjës dhe drejtues të Drejtorisë së Kontrollit Tatimor iu kërkohet të shpërndajnë statusin e ministres së Financave, Anila Denaj, në rrjetet e tyre sociale.
Në mesazhe theksohet se monitorimi i ndjekjes së faqes nga të gjithë do të kryhet nga vetë Ministria e Financave.
Në mesazhe ka edhe ankesa për ata që "nuk kanë bërë like" në postimet e ministres Denaj dhe drejtoreshës së Përgjithshme të Tatimeve, Delina Ibrahimaj.
