Pas vonesave të lançimit, super telefoni i palosshëm i Motorolës, “Razr” më në fund do të hidhet në treg në 6 shkurt për 1,499 dollarë. Porositë nisin në 26 janar.
Razr përbën praktikisht një ripërtëritje të dizajnit klasik dhe ikonik, por sigurisht me një qasje më moderne, pjesë e së cilës është dhe ekrani fleksibël. “Razr” i ringjallur është telefoni i parë i palosshëm i Motorolës.
Koha e lançimit të tij është vendimtare për kompaninë, që po has konkurrencë të fortë sepse thuhet që në shkurt, edhe Samsungu përgatitet të prezantojë krijimin e vet më të fundit të palosshëm në formën e Samsung Galaxy Z Flip.
“Razr” është pak më i lirë se Galaxy Fold, por megjithatë mbetet një pajisje e kushtueshme. Telefoni fillimisht ishte menduar të lançohej pas Krishtlindjeve, por ndërmarrja nuk e arriti dot atë afat dhe e shtyu datën për në shkurt.
***
Burimi: Tomsh|Përktheu dhe përshtati: JOQ Albania
