Agjencia për Shërbime Mediatike Audio dhe Audiovizuele do të bëjë donacion ndihmë financiare në vlerë prej një milion denarësh për sanimin e pasojave nga tërmeti katastrofal në Shqipëri.
Vendimi është sjellë sot nga Këshilli i Agjencisë për shërbime mediatike audio dhe audiovizuele.
“Mjetet financiare do të paguhen në një llogari të veçantë të dedikuar për Kryqin e Kuq e Republikës së Maqedonisë së Veriut– Fondi për Solidaritet”, theksohet në kumtesën në të cilën Agjecia shpreh ngushëllime për familjet e viktimave dhe popullin shqiptar.
