Familjarë dhe qytetarë të Gjilanit kanë ndezur qirinj te teatri i qytetit për dy vëllezërit Abazi që vdiqën nga tragjedia e tërmetit në Durrës.
Shemsidini 29 vjeçar dhe Isa 32 vjeçar u gjetën mbrëmë nën rrënojat e hotelit ku ata ishin duke punuar, raporton JOQ Kosova.
Ndërkohë familja ka njoftuar se varrimi i tyre do të bëhet më 28 nëntor me namazin e drekës në orën 12:30 në fshatin Livoç të Epërm.
Ndërkohë, operacioni i kërkim-shpëtimit po vazhdon pasi mendohet se janë edhe disa persona nën rrënoja.
Ndryshe, tërmeti që goditi Shqipërinë mëngjesin e djeshëm solli mbi 30 viktima dhe mbi 600 të plagosur.
