Rreth orëve të mesnatës së mbrëmshme, kanë arritur njerëzit e parë në Kosovë me një autobus të organizuar nga tifo-grupet e Prishtinës.
Ata njoftuan se morën rreth 250 shqiptarë që kishin mbetur pa shtëpi për të strehuar në Kosovë, raporton JOQ Kosova.
Pamjet e shqiptarëve duke udhëtuar drejt Kosovës janë publikuar pak minuta pas orës 23:00, e diku rreth orës 02:00 dolën pamjet nga hoteli në Prishtinë.
Ndërkohë, qindra familje të tjera u vendosën në qytete të tjera të Kosovës, si Prizreni e Peja, duke bërë kështu që numri i familjeve të strehuara deri tani të arrijë mbi 400 familje.
Sidoqoftë, shtëpitë e kosovarëve po vazhdojnë të qëndrojnë të hapura edhe për familje të tjera. Vazhdimisht po bëhen publikime të njerëzve të thjeshtë që lëshojnë shtëpitë e tyre për vëllezërit nga Kosova.
