Një shqiptar ngeli i vdekur mëngjesin e sotshëm në Itali pasi u përplas nga një furgon në një provincë në afërsi të Barit. Viktima është Asqeri Bani, i cili u përplas nga makina në zonën e Santa Fara teksa ishte duke kapërcyer rrugën.
Ngjarja bëhet edhe më e rëndë pasi makina e tërhoqi zvarrë në asfalt për disa metra. Pavarësisht ndihmës së dhënë nga bluzat e bardha, për të nuk pati më shpresë.
Bani prej disa ditësh ishte parë duke ecur rrugëve pa ushqim dhe ujë, në gjendje të turbullt. Mediat e shtetit fqinj raportojnë se 56-vjeçari kishte vetëm disa ditë që kishte hyrë në Itali. Ai endej rrugëve, pa pasur një banesë.
Rrethanat e aksidentit janë ende të paqarta. Ende nuk dihet nëse shqiptari i ka dalë makinës përpara, apo ngjarja është aksidentale.
***
Burim: IlQuotidianoItaliano|Përktheu dhe përshtati: JOQ Albania
