Berisha bën deklaratën e fortë: Rama mbante një serial killer për badigard. Djegia e mandateve: Ose fitore, ose në greminë!

Mbrëmjen e sotme ish-kryeministri Sali Berisha ishte i ftuar në studion e “Opinion”.

Ai ka folur për marrëdhënien me Metën, këshillat që i ka dhënë Bashës dhe nuk ka lënë pas deklaratat e bujshme përsa i përket Ramës.

Berisha u shpreh se takohet me Metën, teksa shtoi se nuk e ka problem të konsumojë një kafe me të. Ish-kryeministri tha se nuk e ndikon që t’i qëndrojë krah opozitës.

Berisha u shpreh:

Takohemi me zotin Meta, shkoj në zyrë të tij por dal pijë kafe nuk e kam asnjë problem. Por unë të kem vendim tek ai, Kurrë, asnjëherë. Më ka thirrur njëherë kur ka thirrur dhe ish-presidentët e tjerë, i kam dhënë mendime dhe kaq.”

Ndër të tjera Berisha ka komentuar edhe djegien e mandateve dhe ka thënë se nuk ka patur asnjë ndikim tek ky vendim por e ka mbështetur.

Berisha: Djegia e mandateve kosto kishte, pa diskutim. Roli im ka qenë absolutisht, jo i fortë. Mos pres kush kurrë, që unë të luaj rol të rëndësishëm në këto vendime. Ai (Lulzim Basha) ka përgjegjësi, ai duet ti dalë zot. Nuk mundem unë kurrë që vetes t’i lejoj këto vendimmarrje … Unë e kam mbështetur. I kam thënë, ky vendim mund të na çojë në fitore por dhe në greminë”.

Fevziu: Por ku ndodhet opozita tani? Sali Berisha mendon: “Tani nuk jemi as në fitore as në greminë, jemi në një moment qetësi para një rrebeshi të fuqishëm”.

Ish-kryeministri tha se ky vendim erdhi pas daljes së përgjimeve, për blerjen e votave:

Opozita, edhe pse një pjesë e raportit të 2017 ishte negativ, opozita u fut në Parlament. Pas kësaj dolën përgjimet. Nëse dosjet, zbardheshin dhe përgjegjësit ndëshkoheshin sot opozita do kish qenë në parlament. Por çfarë ndodhi, brenda 24 orëve Edi Rama ekzekutoi vendimin e opozitës”.

Berisha ka bërë edhe një deklaratë të bujshme përsa i përket personave që ruajnë Ramën. Ish-kryeministri është shprehur se Rama mban truproja, kriminelë dhe vrasës serialë, pa përmendur emra.

Ai u shpreh:

Lulzim Bashës mund t'i thuash shumë gjëra. Mund t’i numërosh një listë me të mirë dhe të meta, por ama një gjë nuk ia thotë dot kush, që është i lidhur me krimin. Ramës lidhjet me krimin nuk ia numëron. Rama edhe kur ishte në opozitë mbante një serial killer për badigard. Politikani me lidhjet me të tmerrshme me krimin është Edi Rama. Rama i ka pasion kriminelët. Nuk mund të rrijë dot pa ata.”

Përsa i përket dekoratës së përmendur nga Meta, ditën e sotme Berisha ironizoi se urdhri i vetëm që ka marrë Rama ka qenë ai i ai ‘Esat Toptanit’ nga Presidenti i Serbisë, Aleksandar Vuçiç për meritat e tij në bashkëpunimin për ndarjen e Kosovës.

I pyetur nëse ky i fundit do t’i jepte vetë një dekoratë, Berisha u shpreh:

Do i jepja një ngjalë, jo një dekoratë.”

***

Për t’u bërë pjesë e grupit mjafton të klikoni: Join Group dhe kërkesa do t’ju aprovohet. KOMUNITETI JOQ ALBANIA: https://m.facebook.com/groups/komunitetiJOQ/