Kompania Fusha Shpk konfirmohet si shoqëria kryesore që po fiton shumicën e tenderave të rëndësishëm publikë në të gjithë Shqipërinë. Shumicën e tenderave multi-milionësh kjo kompani i ka përfituar nëpërmjet projekteve të bashkisë së Tiranës dhe asaj të Vlorës. Por tashmë Fusha Shpk është shtrirë akoma më shumë pasi ka marrë një fond prej 63.8 milionë euro në për shëtitoren e Sarandës.
Dy kompanitë e tjera në garë ishin Arifaj SH.P.K.dhe Gjikuria SH.P.K edhe pse kishin oferta me një çmim më të ulët, se ato të Fusha Shpk, nuk janë marrë parasysh nga Agjencia e Prokurimeve Publike.
Respektivisht, “Arifaj” sh.p.k. ka patur një ofertë prej 450,481,711 ALL, “Gjikuria” sh.p.k. – 467,518,427 ALL, ndërsa fituese është “Fusha Sh.p.K”, me një ofertë prej prej 570,335,643 ALL.
Kjo kompani zotërohet nga biznesmeni Shkëlqim Fusha. Ky i fundit akuzohet nga opozita për lidhje direkte me kryetarin e bashkisë Tiranë, Erion Veliaj dhe kryeministrin Edi Rama.
Fusha Shpk ka marrë tendera me vlerë 49.3 mln vetëm nga bashkia e kryeqytetit. Së fundmi kjo kompani është përfshirë në një skandal ku Nënkryetari i Bashkisë Tiranë, Arbër Mazniku, ka përfituar një udhëtim të paguar nga vetë Shkëlqim Fusha në Barcelonë, ku vetëm për dhomën është paguar 1816 euro për dy netë.
***
Për t’u bërë pjesë e grupit mjafton të klikoni: Join Group dhe kërkesa do t’ju aprovohet. KOMUNITETI JOQ ALBANIA: https://m.facebook.com/groups/komunitetiJOQ/
