“Një 28 vjeçar po “garon” për të marrë titullin e kriminelit më budalla në botë, pasi furgoni të cilin ai drejtonte, u përplas me makinat e policisë”.
Kështu e ka nisur artikullin e saj britanikja prestigjoze Daily Mail, e cila i ka kushtuar vëmendje një situate të pazakontë që i ka ndodhur një 28 vjeçari.
Gjatë kontrollit, policia i gjeti 28 vjeçarit të ngarkuar më shumë se 200 milionë dollarë metilamfetaminë, në pjesën e prapme të furgonit.
Toyota HiAce goditi makinat që ishin parkuar jashtë stacionit të policisë në rrugën Ethel në periferi të Eastwood-së rreth orës 10.30 të së hënës.
Një nga automjetet policore u dëmtua shumë, por askush nuk u plagos.
Furgoni u ndalua një orë më vonë dhe gjatë kontrollit, policia i gjeti disa kuti të mbushura me çanta të metilamfetaminës, me një peshë totale prej 273 kg.
