Ata që merren me parashikimet e “prurjeve” të Samsung thonë që kompania koreno-jugore mund të sjellë më shumë se një model të ri.
Sipas raportit të fundit të SamMobile, seria e re Galaxy Note 10 do të përbëhet nga dy versione kryesore me numrat e modelit SM-N970 dhe SM-N975.
Veç këtyre dy modeleve, pritet që Samsung të sjellë edhe dy versione 5G të Galaxy Note 10, SM-N971 dhe SM-N976.
Gjithsesi mbetet ende e paqartë se sa të ndryshëm do të jenë dy modelet 5G nga dy të tjerët.
Sipas kompanisë, dallimi kyç do të jetë shpejtësia e të dhënave 5G në tregjet e zgjedhura. Çmimi gjithashtu pritet të jetë akoma më i kripur se tek modelet Galaxy S10.
