Një aksident ka ndodhur para pak minutash në kryeqytet. Ngjarja ka ndodhur në kryqëzimin e "9 katësheve", ku një mjet ka përplasur dy persona të cilët po ishin në një motorr. Personi i cili ka qenë mbrapa drejtuesit të motorrit është ai që është dëmtuar shumë. Personi ende i paidentifikuar është në gjendje të rëndë shëndetësore.
Drejtuesi i makinës i ka përplasur dy personat që kanë qenë mbi motorr dhe është larguar nga vendngjarja.
Një dëshmitar okular i ka shkruar redaksisë JOQ Albania, ku është shprehur se drejtuesi i mjetit u ka rënë nga mbrapa me makinë dhe ka ikur nga vengjarja, pa u interesuar për gjendjen e dy të aksidentuarve.
Policia po heton për shkaqet e ngjarjes dhe për kapjen e autorit i cili ka aksidentuar dy persona mbrëmjen e sotme në qendër të kryeqytetit.
