Një i ri i cili dyshohet se ishte pjesë e grupit "Bajri" është ekstraduar ditën e sotme nga Hollanda drejt Shqipërisë.
21-vjeçari shqiptar ishte shpallur në kërkim ndërkombëtar me akuzën se është anëtar i grupit të strukturuar kriminal “Bajri”.
Samet Halluni nga qyteti i Shkodrës është ndaluar që në shtator të këtij viti nga policia holandeze ndërsa së fundmi është marrë edhe vendimi për ekstradimin e tij.
Gjykata për Krimet e Rënda Tiranë ka caktuar ndaj këtij shtetasi masën e sigurisë “Arrest në burg” për veprat penale,”Shtrëngim për dhënie pasurie me anë të kanosjes ose dhunës, kryer në bashkëpunim, në kuadër të grupit kriminal” parashikuar nga nenet 109/b, 333/a dhe 334 të Kodit Penal.
Shtetasi Samet Halluni është anëtar i grupit të strukturuar kriminal “Bajri” dhe dyshohet që në bashkëpunim me anëtarë të tjerë të këtij grupi ka kanosur me anë të shtrëngimit për dhënien e pasurisë një sërë biznesesh në Shkodër duke përfituar prej tyre para dhe prona.
Foto ilustruese
