Ngado që të kthesh kokën në ditët e sotme dëgjon vetëm për rrjepje, një rrjepje e pashoq që po vjen nga taksat e rritura në disproporcion me të ardhurat.
Pa dashur t’i cekim të gjitha do fokusohemi vetëm tek makinat dhe rrugët. Në një kohë kur thuajse të gjitha rrugët janë dhënë për ndërtim dhe mirëmbajtje tek koncesionarët privatë, një kilometër rrugë do u kushtojë taksapaguesve shqiptarë nga 8 deri në 16 milionë euro, varet nga kontrata.
Përpos kësaj, Shqipëria vazhdon të ketë çmimin më të lartë në rajon, e më gjerë, të karburanteve, e kjo me justifikim që aty paguhet edhe për mirëmbajtjen e rrugëve në vend.
Tani, histeria e rritjes së taksave nuk mbaron me kaq, pasi nga viti i kaluar Taksa Vjetore e Makinave është rritur me gati 185%, kjo sipas një denoncimi nga një qytetar.
Qytetari shkruan për JOQ.al:
Realisht problemi nuk janë taksat, sepse taksa paguhen në çdo vend të botës, problemi është që taksat po vendosen pa marrë parasysh të ardhurat e popullit për frymë. Është si të thuash mbivendoset taksa në një terren që nuk është i përgatitur për ta përballuar dhe sipas argumentimeve nga ekpertë të ekonomisë kjo do të sjellë shumë shpejt një krizë të thellë në vendin tonë.
Nëse pagat, pensionet, ndihmat ekonomike, mbulimet dhe sigurimet do të ishin më të larta, atëherë edhe taksat do justifikoheshin. Por si duket ky nuk është rasti i Shqipërisë, prandaj gramatikisht të gjithë duan të largohen nga ky vend që të pin gjakun deri në qindarkën e fundit./JOQ.al
