Banorët e fshatit Kurçelaj në Mat janë tmerruar ditët e fundit, pasi një gjarpër i pazakontë është parë në zonën përreth.
Banorë të zonës të cilët edhe kanë filmuar zvarranikun thanë se ai ishte me përmasa të mëdha, rreth 7 metra.
Sipas banorëve ky është rasti i parë që në këtë fshat të gjendet një gjarpër i këtyre përmasave dhe dyshojnë që ai të jetë sjellë aty, nga turistë që lëvizin me motorra.
E ndërsa askush nuk mund të sqarojë me saktësi se përse në këtë fshat janë shfaqur këta gjarpërinj, frika tek banorët është e madhe.
