Marina Vjollca kur nuk e njihte askush: Do të jepja 4 milion për të fituar

Marina Vjollca është një ndër prezantueset më të pëlqyera dhe rrjedhimisht më të përfolura të showbizit shqiptar.

Por jo të gjithë e mbajnë mend se ajo si shumë vajza të tjera e ka nisur karrierën nga konkursi i shtojzovalleve, që bëhej për velinat e Fiks Fare.

Ka qenë gazetarja Kozeta Kurti ajo që ka risjellë në vëmendje fillimet e Marinës, duke theksuar se ka qenë gazetarja ajo që fillimisht e ka "zbuluar" bukuroshen bionde.

Në intervistën në "Pop Culture" (min 5:40) Kozeta ka risjellë Marinën e dikurshme të cilën e ka pyetur se sa lekë do të paguante për të fituar si velinë.

Marina e cila tashmë ka kaluar në televizionin Klan si prezantuese u përgjigj:

Do të paguaja katër deri në katër milionë lekë (të vjetra)."

E risjellë në vëmendje video ka shkaktuar të qeshura në studio, ndërkohë që Kozeta është shprehur se e bënë Marinën konkurrente pasi ajo kishte potencial.

Ajo tha:

Në fakt Marina për pak do ta humbiste shansin. Ajo kishte ardhur më vonë seç duhej në audicion dhe ne u detyruam që ta bënim pjesëmarrëse të një qyteti tjetër në mënyrë që ajo të konkurronte, pasi unë pash potencial tek ajo."