Lëvizte me makinë të blinduar dhe me armë me vete, por një 37 vjeçar e ka gjetur veten në telashe ditën e sotme.
Ai është arrestuar në Lushnjë pasi u kap duke qarkulluar me një armë të cilën e kishte pa leje.
Julian Sula nuk i është bindur urdhrit të punonjësit të policisë për të ndaluar dhe është munduar të largohet me shpejtësi me B.M.V-në e blinduar.
Policia iu vu në ndjekje, ndërkohë që 37 vjeçari braktisi makinën, hodhi armën që mbante në mjet dhe u largua me vrap në rrugicat e qytetit.
Por pavarësisht përpjekjeve e ka pasur të pamundur të arratiset dhe është vënë në pranga në Lagjen 18 Tetori, në Lushnjë.
Policia ka sekuestruar armën e zjarrit, tip Grand Power dhe një krëhër me 15 fishekë, ndërkohë që ai është akuzuar për armëmbajtje pa leje dhe mosbindje e punonjësit të policisë.
Sipas "GSH", ai gjithashtu njihet ndryshe edhe si “Juli i Pashakos”.
Para disa muajsh, emri i tij u përfshi në hetimet per masakrën e Lushnjes ku u vranë 2 persona dhe u plagosën 2 të tjerë. Por pasi u vetëdorezua, ai është lenë i lirë.
Edhe pse u përfol si personi i tretë i përfshirë në vrasje, blutë nuk kanë arritur të gjejnë një lidhje mes tij dhe krimit, duke e lënë të lirë.
Rreth një vit më parë 36-vjeçari u plagos 10 herë më thikë nga Arjan Aliço, anëtar i bandës së Aldo Bares.
