iPhone janë pajisjet më të preferuara dhe ndër më të përhapura në botë, pavarësisht diversitetit dhe llojshmërisë së smartfonëve. Mirëpo, deri më sot askush nuk e ka ditur se sa është jetëgjatësia e këtyre pajisjeve.
Gjigandi Apple, për herë të parë ka zbuluar se telefonat e tij të shtrenjtë, përllogaritet të jetojnë vetëm 3 vjet. Kompania e zbuloi këtë fakt për të treguar kontributin e saj në të mirë të mjedisit.
Megjithatë, ndonëse 3 vjet mund të duket një kohë tepër e shkurtër për jetëgjatësinë e një telefoni, Apple ka bërë hapa pozitivë për të zgjatur jetëgjatësinë e iPhone –ve, duke i lejuar përdoruesve që të përditësojnë sistemin iOS.
Deklarata vjen pas vitesh diskutime dhe aludime për jetëgjatësinë e pajisjeve të Apple.
