Mesfushori i Kombëtares shqiptare U21, Fabio Sakaj ka gjetur skuadrën e re.
19 vjeçari ka firmosur zyrtarisht me Racing Fondin, klub që militon në Serinë C italiane. Ky transferim erdhi për shkak se ish-ekipi i tij Modena falimentoi dhe Sakaj u detyrua të largohej.
Te skuadra e Fondës aktivizohet edhe portieri shqiptar Entonio Elezaj si dhe Kristian Maldini, djali i legjendës së Milanit dhe futbollit italian Paolo Maldini.
Lajmi për kalimin e Sakajt u bë publik nga vetë klubi italian në faqen zyrtare. Ekipi për momentin pozicionohet në vendin e 14-të të grupit C me 18 pikë në 17 javë.
