Flet nëna e 20-vjeçarit të vrarë në Islandë: Klevisi na kishte treguar se asgjë nuk…

Pak ditë pas vdekjes që jo vetëm tronditi Islandën, ku krimi thuajse nuk njihet fare, por edhe familjarët e të riut Klevis Sula nga Çorovoda, ka folur nëna dhe vëllai i Klevisit.

20-vjeçari, Klevis Sula, u qëllua me thikë nga një person me probleme mendore dhe fatkeqësisht nuk ia doli t’u mbijetonte plagëve të marra dhe pas disa ditësh i shtruar në spital ndërroi jetë të dielën që lamë pas.

Për këtë humbje ka folur nëna e Klevisit, Natasha Sula, e cila në një intervistë për “Stöð 2” e ka përshkruar Islandën, ku i biri jetonte dhe punonte, si një vend tejet të sigurtë.

Znj. Natasha Sula është shprehur:

Ishte një djalë i mrekullueshëm dhe dëshironte të ndihmonte këdo. Fliste me superlativa për islandezët dhe i pëlqenin njerëzit atje. Ishte shumë i lumtur që jetonte në Islandë. Nuk mendonim se kjo mund të ndodhte këtu. Klevisi na kishte treguar se asgjë e keqe nuk ndodhte kurrë në Islandë. Ai kishte ardhur këtu për të punuar dhe për një jetë më të mirë.”

Natasha ka udhëtuar në Islandë bashkë me djalin tjetër pas sulmit ndaj Klevisit dhe islandezët i kanë ndihmuar me shpenzimet e varrimit, pasi kanë hapur një llogari bankare në të cilën kanë kontribuar shumë qytetarë.

Intervista në origjinal, ku vëllai dhe nëna e Klevisit flasin shqip: