Kaluam shumë kohë duke analizuar suksesin e Islandës dhe pak kohë na ngeli për t’u marrë me humbësit favoritë të Anglisë. Nga t’ia fillojmë? Vardy në bankinë, Rooney mesfushor qendre dhe Kane që gjuan goditjet e këndit. Një lëmsh i vërtetë me siguri dhe humbja e tyre ndaj Islandës erdhi si pasojë e këtyre gabimeve.
Por kur erdhi puna tek notat, shtypi britanik as që e mendoi fare gjatë për te gjetur të mirë apo të keq, por i ka vendosur të gjithëve një zero të madhe. Po po, zero, aq sa impenjimi i tyre me Islandën e vogël. Mos kërkoni alibi, kjo kombëtare ishte qesharake. Në fotografi shikoni votat e një trajtshme të 11 “luanëve” në letër por që u treguan lepuj në fushë.
