Në kohën kur inboxi i redaksisë sonë është mbushur me foto armësh thuajse në të gjitha qytetet e Shqipërisë, një denoncim vjen nga ish-kryeministri i vendit, Sali Berisha.
Me anë të një statusi në “Facebook”, ish numri një i shtetit tonë ka publikuar mesazhin e një qytetari, i cili denoncon djalin e kryebashkiakut të Kurbinit, Artur Bardhi.
Bëhet fjalë pikërisht për mesfushorin Kejvi Bardhi, i cili vetëm dy ditë më parë ishte në fushë me fanellën bardhezi kundër Luftëtarit ku humbën 0-1.
Qytetari që i shkruan Berishës ka publikuar një foto ku Bardhi është në makinë me një pistoletë në prehër. “Ne kemi pushtetin, kemi dhe armët!”, shkruan Berisha në “Facebook”, duke publikuar fotot e futbollistit.
