Merr flakë avioni i “Blu Panorama”, pasagjerët në panik. Udhëtonin nga Ankona në Tiranë

Çaste tmerri dhe paniku kanë përjetuar 68 pasagjerë në avionin e "Blu Panorama", i cili do të nisej nga Ankona për në Tiranë. Avioni është detyruar që të bëjë ulje emergjente në aeroportin e “Sanzio Falconara”, shkruajnë mediat italiane.

Kjo pasi, nga kabina ka dalë tym, i cili mendohet se është shkaktuar si rezultat i një shkëndije në një qark të shkurtër elektrik.

Por nga ana tjetër mediat italiane bëjnë të ditur se çdo gjë është zgjidhur në vetëm pak minuta.

Ndërsa njëri prej pasagjerëve të papranishëm në bordin e aeroplanit ka rrëfyer ngjarjen për Opinion.al, ku është shprehur:

Vetëm 15 minuta pasi jemi nisur nga aeroporti i Ankonës konstatuam erë të djegur në bordin e avionit. Biletat i kishim prerë me Blu Panorama, por avioni ishte i Ernest Fly, pasi Blu Panorama operon me këtë kompani. Ekuipazhi na informoi se kemi probleme, dhe se flaka kishte rënë në kabinë, ndaj duhet të kthehemi. Në aeroport na kanë pritur zjarrfikëset. Mes pasagjerëve kishte tension të madh, disa filluan të qanin”, dëshmon një prej pasagjerëve.

Avioni ishte nisur nga aeroporti i Ankonës me destinacion Tiranën. Ndërkohë që “Panorama”, mëson se avioni akoma nuk ka arritur në aeroportin e Rinasit, duke parë dhe orarin zyrtar, ku shkruhet se vonohet.