Janë emisionet më të suksesshme në televizionet shqiptare. Pavarësisht fashës së orarit, në të cilën ata transmetohen këto programe kanë arritur të kenë shikueshmërinë maksimale, duke bërë që jetëgjatësia e disa prej tyre të ketë kaluar dekadën e parë. Por e dini se ku janë simotrat e këtyre programeve, përtej kufijve?! Sepse autorët dhe moderatorët e këtyre emisioneve, nuk i krijuan vetë, pavarësisht se me mjeshtëri dhe profesionalizëm, ata arritën t’i përshtatnin për publikun shqiptar. Bordo sjell emisionet origjinale, nga të cilat kanë marrë spunto producentët apo autorët e programeve, për t’i ‘importuar’ në ekranin e vogël (ose të madh), në gjuhën shqipe.
