Në një mënyrë apo në një tjetër vijon të jetë i ndezur dhe mjaft i gjallë debati nëse Jezu Krishti ka ekzistuar në të vërtetë apo jo. Miliona kristianë në mbarë botën do të festojnë ringjalljen e Krishtit këtë fundjave, por shumë prej tyre nuk besojnë se Jezui ishte biri i Zotit, ndërsa të tjerë nuk besojnë as që ai ka ekzistuar.
Në vitin 2015, një studim tregoi se rreth 40% e të rriturve në Angli nuk besonin se Jezusi ishte një figurë e vërtetë historike, apo një person që kishte jetuar dikur.
Pra, konkretisht, çfarë provash historike kemi që të besojmë ekzistencën e Jezu Krishtit?
Në një shkrim për The Guardian, Dr Simon Gathercole, tregon me detaje se përse mendon dhe është i bindur se Jezui ka jetuar.
Ai thotë se provat gjendjen brenda teksteve që flasin për jetën e tij në tokë. Historianët hebre dhe romakë kanë shkruar për Jezusin, veç atyre kristianë. Ky është një fakt shumë i rëndësishëm nëse e krahasojmë me Mbretin Artur, i cili edhe pse jetoi rreth 500 vite pas Jezusit, nuk përmendet në tekste të shumta gjatë periudhës në të cilën jetoi, por rreth 100 vite më pas.
Sipas Gathercole, këto janë dëshmi të plota të ekzistencës së Jezuit, ndërsa pyetja e vërtetë dhe që duhet të na mundojë është: "A jetoi ai pasi vdiq?".
