Tragjedi në Istog: Punëtori gjendet i vdekur në fermën e peshqve

Shkruar nga: B Hasi | Publikuar më: 21.11.2026, 13:12

Një ngjarje e rëndë ka ndodhur mëngjesin e sotëm në Istog, ku një punëtor është gjetur pa shenja jete në vendin e tij të punës, në një fermë për kultivimin e peshqve.

Sipas informacioneve të konfirmuara nga Policia e Kosovës, rasti është raportuar rreth orës 07:00 të mëngjesit të së shtunës. Viktima, një mashkull i moshës madhore, është gjetur pa vetëdije, ndërsa në vendngjarje kanë mbërritur menjëherë njësitet policore dhe ekipi i emergjencës.

Pavarësisht ndërhyrjes së ekipit mjekësor, mjeku kujdestar ka konstatuar vdekjen e punëtorit. Me urdhër të Prokurorit të Shtetit, trupi i pajetë është dërguar në Institutin e Mjekësisë Ligjore për ekzaminim.

Policia ka iniciuar rastin si “Hetim i vdekjes”, ndërsa autoritetet po punojnë për të zbardhur rrethanat e plota të ngjarjes. Ende nuk dihet shkaku i vdekjes së punëtorit.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit