Një aksident tragjik ka ndodhur mbrëmjen e së enjtes në magjistralen Podujevë–Prishtinë, ku një i moshuar 77-vjeçar ka humbur jetën pasi është përfshirë në një aksident trafiku.
Sipas Policisë së Kosovës, aksidenti ka ndodhur rreth orës 19:20, ku janë përfshirë një automjet dhe një person që lëvizte me karrocë invalidore.
Viktima është identifikuar me inicialet I.Ll., 77 vjeç, i cili fatkeqësisht nuk ka arritur t'u mbijetojë pasojave të aksidentit.
Zëdhënësja e Policisë për rajonin e Prishtinës, Flora Ahmeti, ka konfirmuar vdekjen e të moshuarit, ndërsa ka bërë të ditur se me hetimin e rrethanave të aksidentit po merret Njësiti Rajonal i Trafikut.
Ende nuk janë bërë të ditura rrethanat e sakta se si ka ndodhur aksidenti që i mori jetën 77-vjeçarit.