Turisti i huaj denoncon kushtet në Kopshtin Zoologjik: Arushi i vogël kafshonte vazhdimisht putrën

Shkruar nga: V Gashi | Publikuar më: 16.11.2026, 23:36

Një turist i huaj, i cili ka vizituar ditët e fundit Kopshtin Zoologjik të Tiranës, i është drejtuar redaksisë së JOQ Albania për të ngritur shqetësimin për gjendjen e një arushi të vogël që mbahet në këtë ambient.

Turisti ka dërguar edhe pamje të kafshës, ku shihet se arushi qëndron i vetëm në hapësirën e tij dhe kafshon vazhdimisht njërën prej putrave. Sipas vizitorit, kjo sjellje përsëritej gjatë gjithë kohës që ai po e vëzhgonte.

Ai shprehet se nuk arriti të kuptonte nëse arushi kishte ndonjë dëmtim apo problem fizik me putrën, apo nëse kjo sjellje mund të ishte shenjë e stresit dhe shqetësimit psikologjik.

Vizitori ngre gjithashtu shqetësimin për izolimin e kafshës dhe mungesën e stimulimit, duke kujtuar se arinjtë janë kafshë inteligjente dhe aktive, të cilat kanë nevojë për kushte të përshtatshme për të ruajtur mirëqenien e tyre.

Pamjet e një arushi kaq të vogël që qëndron i vetëm dhe kafshon vazhdimisht putrën janë shqetësuese dhe meritojnë vëmendje. A është kjo një shenjë e ndonjë problemi shëndetësor apo e stresit që po përjeton kafsha? Drejtuesit e Kopshtit Zoologjik duhet të japin një shpjegim dhe të sqarojnë nëse arushi po merr kujdesin e nevojshëm veterinar.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit