Një banor i Gjepalajt, në Shijak, denoncon mungesën e vazhdueshme të ujit të pijshëm në zonë.
Përmes një videoje të dërguar pranë redaksisë sonë, qytetari shprehet se prej kohësh nuk furnizohen me ujë dhe detyrohen ta blejnë atë privatisht për të përballuar nevojat e përditshme.
Sipas tij, çdo 3-4 ditë i duhet të blejë dy bote me ujë, duke shpenzuar rreth 30 mijë lekë.
Banori kërkon që ky problem të bëhet publik dhe institucionet përgjegjëse të marrin masa për të zgjidhur situatën.
Deri kur banorët e Gjepalajt do të duhet të paguajnë nga xhepi për një shërbim bazë si uji i pijshëm?
