Erdhi nga Gjermania për dokumentet e pronës, 59-vjeçari gjendet pa shenja jete në shtëpinë e tij në Prizren!

Shkruar nga: B Hasi | Publikuar më: 15.11.2026, 11:08

Një ngjarje e rëndë ka tronditur një familje në Prizren, ku një 59-vjeçar, i cili kishte ardhur nga Gjermania për të rregulluar dokumentet e pronës, është gjetur pa shenja jete në shtëpinë e tij.

Viktima është Kujtim Arifaj, 59 vjeç, i cili jetonte dhe punonte në Gjermani. Ai ishte kthyer në Kosovë vetëm një javë më parë, për të përfunduar disa çështje që lidheshin me pronën e tij.

Ngjarja ka ndodhur më 14 nëntor, rreth orës 17:00, në rrugën “Aziz Kelmendi” në Prizren.

Familjarët ishin shqetësuar pasi nuk po arrinin të kontaktonin me të. Nipi i 59-vjeçarit, pas disa telefonatave pa përgjigje, kishte vendosur të shkonte në banesën e xhaxhait për të parë se çfarë kishte ndodhur.

Fatkeqësisht, kur kishte hyrë brenda, e kishte gjetur atë të shtrirë në dysheme, pa shenja jete. Në vendngjarje kanë mbërritur ekipet e Emergjencës dhe Policia e Kosovës. Mjekët kanë konstatuar vdekjen, ndërsa hetuesit kanë nisur procedurat për zbardhjen e rrethanave të ngjarjes.

Me kërkesë të familjarëve, trupi i pajetë është dërguar për obduksion, për të përcaktuar shkakun e saktë të vdekjes. Rasti është iniciuar si “Hetim i vdekjes”, ndërsa ende nuk dihen shkaqet që çuan në humbjen e jetës së 59-vjeçarit.

Një udhëtim drejt vendlindjes për të përfunduar disa punë pronësore përfundoi në tragjedi, duke lënë familjarët përballë një humbjeje të rëndë.

Ngushëllime familjes dhe të afërmve!

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit