Një ngjarje e rëndë ka ndodhur sot në Gjilan, ku një nxënës i shkollës së mesme ekonomike është sulmuar me thikë nga një bashkëmoshatar i tij.
Sipas informacioneve të para, i mituri, i lindur në vitin 2009, ka pësuar plagë në këmbë si pasojë e sulmit me mjet të mprehtë.
Ende nuk dihen rrethanat që çuan në këtë incident të rëndë mes të miturve, ndërsa motivet e sulmit mbeten të paqarta.
Rasti ka ngritur sërish shqetësimin për dhunën mes të rinjve dhe sigurinë e nxënësve në ambientet shkollore.