Alarm për shëndetin në Kosovë: 171 ditë me ajër të ndotur mbi kufijtë e lejuar, qytetarët thithin ajër të rrezikshëm!

Shkruar nga: B Hasi | Publikuar më: 11.11.2026, 10:06

Ndotja e ajrit vazhdon të jetë një nga problemet më shqetësuese në Kosovë. Gjatë vitit 2025, rrjeti shtetëror i monitorimit ka regjistruar plot 171 ditë me tejkalime të kufirit ditor të lejuar për grimcat PM10, duke ngritur shqetësime serioze për shëndetin e qytetarëve.

Sipas raportit të publikuar më 10 nëntor nga Avokati i Popullit, ndotja e ajrit mbetet një kërcënim për shëndetin publik. Grimcat PM10 depërtojnë në rrugët e frymëmarrjes, ndërsa grimcat edhe më të imëta PM2.5 mund të arrijnë thellë në mushkëri dhe të kalojnë në qarkullimin e gjakut, duke rritur rrezikun e sëmundjeve të frymëmarrjes dhe atyre të zemrës.

Ndër shkaktarët kryesorë të ndotjes renditen termocentralet që përdorin linjit, ngrohja e shtëpive me dru dhe qymyr, si dhe automjetet. Situata përkeqësohet veçanërisht gjatë dimrit, kur rritet përdorimi i lëndëve djegëse dhe kushtet atmosferike pengojnë shpërndarjen e ndotësve.

Raporti paralajmëron se fëmijët, të moshuarit dhe personat me sëmundje kronike janë më të rrezikuarit. Po ashtu, Avokati i Popullit ka evidentuar mungesë të inspektimeve të mjaftueshme, dobësi në zbatimin e ligjeve dhe koordinim të pamjaftueshëm ndërmjet institucioneve përgjegjëse.

Institucionet janë thirrur të ndërmarrin masa konkrete për uljen e ndotjes, përmirësimin e monitorimit dhe mbrojtjen e shëndetit publik. Sipas Avokatit të Popullit, ajri i pastër nuk është vetëm çështje mjedisore, por edhe e drejtë themelore e qytetarëve.

171 ditë me tejkalime të ndotjes brenda një viti! Deri kur qytetarët e Kosovës do të përballen me këtë rrezik për shëndetin?

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit