Vajzat që prej ditësh janë në rreshtat e parë të protestës studentore kanë vijuar të qëndrojnë përballë forcave të Policisë, edhe në momentet kur autobotët kanë lëshuar ujë me presion drejt protestuesve.
Në pamje shihet momenti kur disa prej tyre qëndrojnë përballë autobotit, pa u larguar edhe kur uji i hedhur me presion i përfshin drejtpërdrejt.
Qëndrimi i vajzave në vijën e parë është kthyer në një nga pamjet më domethënëse të protestës, duke u bërë simbol i rezistencës dhe vendosmërisë së të rinjve që vijojnë të kërkojnë ndryshim.
