E dhimbshme: Ky është 22-vjeçari që humbi jetën tragjikisht në Gjonaj të Prizrenit

Shkruar nga: B Hasi | Publikuar më: 06.11.2026, 22:06

Një ngjarje e rëndë ka tronditur fshatin Gjonaj të Prizrenit, ku një i ri vetëm 22 vjeç ka humbur jetën tragjikisht pas një aksidenti me motor katërrotësh (ATV).

Viktima është identifikuar si Argent Hodaj, i cili ndërroi jetë pasditen e së premtes, rreth orës 15:00, pasi dyshohet se humbi kontrollin e mjetit dhe u rrëzua nga një lartësi.

Pas njoftimit, njësitë policore kanë mbërritur në vendngjarje, ku kanë gjetur 22-vjeçarin të shtrirë në rrëzë të malit, ndërsa pranë tij ndodhej motori katërrotësh i dëmtuar. Ekipi i Emergjencës ka konstatuar vdekjen e të riut.

Në vendngjarje kanë dalë edhe hetuesit dhe njësitë e Forenzikës, ndërsa me urdhër të prokurorit, trupi i pajetë është dërguar në Institutin e Mjekësisë Ligjore në Prishtinë.

Rasti është iniciuar si “Hetim i vdekjes”, ndërsa autoritetet po punojnë për të zbardhur rrethanat e plota të tragjedisë që i mori jetën 22-vjeçarit.

Një jetë e re u shua tragjikisht. Ngushëllime familjes dhe të afërmve! ️

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit