Ardit Gjebrea është paraqitur mëngjesin e kësaj të premteje në ambientet e Prokurorisë së Posaçme (SPAK). Moderatori ka mbërritur në institucion rreth orës 10:00, ndërsa deri më tani nuk ka informacion zyrtar për arsyen e paraqitjes së tij.
Nuk dihet nëse Gjebrea është thirrur nga prokurorët për të dhënë deklarime në lidhje me një hetim konkret apo nëse paraqitja e tij lidhet me një procedurë tjetër.
Pritet që SPAK të japë më shumë detaje për këtë rast, ndërsa mbetet e paqartë në çfarë cilësie është paraqitur Gjebrea dhe nëse ka lidhje me ndonjë çështje që po hetohet nga Prokuroria e Posaçme.
