Lajm i mrekullueshëm nga QKUK! Vjen në jetë foshnja e parë përmes IVF-së në shëndetësinë publike të Kosovës

Shkruar nga: B Hasi | Publikuar më: 05.11.2026, 15:11

Një lajm i gëzueshëm vjen nga Qendra Klinike Universitare e Kosovës (QKUK), ku është realizuar me sukses lindja e parë e një foshnje nga një shtatzëni e arritur përmes fertilizimit të asistuar (IVF) në këtë institucion publik.

Lindja është kryer me prerje cezariane në Klinikën e Gjinekologjisë dhe Obstetrikës, ndërsa lajmin e ka bërë të ditur drejtori i klinikës, Zef Ndrejaj.

Ai e cilësoi këtë moment si një arritje të rëndësishme për mjekësinë kosovare, duke theksuar se suksesi është rezultat i punës dhe përkushtimit të stafit mjekësor.

Kjo arritje sjell shpresë të re për shumë çifte që përballen me vështirësi për t'u bërë prindër, duke dëshmuar se shërbimet e fertilizimit të asistuar po zhvillohen edhe në sektorin publik të Kosovës.

Një jetë e re, një arritje e madhe dhe një shpresë më shumë për familjet që ëndërrojnë të kenë fëmijë!

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit