Kujdes ku planifikoni punë sot! Deri në 9 orë pa rrymë në disa zona të Kosovës, KEDS publikon listën

Shkruar nga: B Hasi | Publikuar më: 05.11.2026, 08:30

Kompania për Distribuimin e Energjisë Elektrike në Kosovë (KEDS) ka paralajmëruar ndërprerje të energjisë elektrike për sot, e enjte, 5 nëntor, në disa komuna të vendit. Qytetarët dhe bizneset në zonat e prekura mund të mbeten pa rrymë deri në 9 orë.

Podujeva do të jetë ndër komunat më të prekura, ku nga ora 09:00 deri në 18:00 është planifikuar ndërprerja e energjisë në Sekiraqë, Kunushevc, Buricë, Gllamnik dhe Llapashticë të Ulët. Ndërprerje të tjera parashihen nga ora 10:00 deri në 14:00 në Surkish, Lladofc, Sfeqël, Dumosh, Shajkovc, Orllan dhe disa fshatra të tjera.

Në Klinë, ndërprerjet do të zgjasin nga ora 08:00 deri në 14:00, duke përfshirë Klinavcin, Gjurgjevikun e Vogël, Shtupelin, Zllakuqanin dhe disa vendbanime përreth.

Në Prizren dhe Dragash, ndërprerjet janë planifikuar kryesisht nga ora 09:00 deri në 15:30, në zona si Gorozhubi, Zhuri, Baçka, Dikanca, Leshtani, Radeshi, Nasheci dhe Zymi.

Në Ferizaj dhe Shtime, disa fshatra do të mbeten pa energji nga ora 10:00 deri në 15:00, përkatësisht deri në 14:00, për shkak të ndërhyrjeve në rrjet.

Në Vushtrri dhe Skenderaj, ndërprerjet janë planifikuar nga ora 10:00 deri në 16:00, varësisht nga vendbanimi.

Në Viti, ndërprerje priten nga ora 10:30 deri në 15:30, duke përfshirë Pozharanin, Kllokotin, Sllatinën, Remnikun dhe disa zona të tjera.

KEDS ka bërë të ditur se ndërprerjet lidhen me punimet për mirëmbajtjen, eliminimin e defekteve dhe përmirësimin e rrjetit elektrik.

Qytetarëve u rekomandohet të planifikojnë aktivitetet e tyre sipas orareve të paralajmëruara, pasi kohëzgjatja e ndërprerjeve mund të ndryshojë në varësi të punimeve.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit