Policia e Kosovës ka kërkuar ndihmën e qytetarëve për identifikimin e një personi të dyshuar për veprën penale “Shpërdorim i pasurisë së huaj” në Ferizaj.
Sipas Policisë, rasti dyshohet të ketë ndodhur më 1 tetor 2026, në një lokal në rrugën “Ahmet Kaçiku”, ndërsa personi i dyshuar ende nuk është identifikuar.
Me autorizim të Prokurorisë Themelore në Ferizaj, Policia ka publikuar fotografinë e personit dhe u ka bërë thirrje qytetarëve që mund të kenë informacione për identitetin apo vendndodhjen e tij të lajmërojnë organet e rendit.
Policia ka garantuar se identiteti i qytetarëve që ofrojnë informacione do të mbahet konfidencial.
A e njihni personin në fotografi? Nëse keni informacione, kontaktoni Policinë e Kosovës.