Një ngjarje e rëndë ka ndodhur në livadhet e fshatit Domaj, në njësinë administrative Gjinaj të bashkisë Has, ku një aksident rrugor i ka marrë jetën një 46-vjeçari nga Kosova.
Sipas informacioneve zyrtare, mjeti sportiv i llojit tagramendur/off-road me të cilin po udhëtonin dy vëllezërit është përmbysur aksidentalisht. Si pasojë e plagëve të marra, drejtuesi i mjetit, shtetasi A. Q., 46 vjeç, ka ndërruar jetë në vendngjarje.
Në këtë aksident ka mbetur i plagosur edhe vëllai i viktimës, shtetasi V. Q., 38 vjeç. Ai është transportuar me urgjencë drejt Spitalit Rajonal të Kukësit, ku po merr ndihmën e nevojshme mjekësore nga mjekët.
Grupi hetimor ka mbërritur menjëherë në zonën e aksidentit dhe po kryen të gjitha veprimet procedurale për sqarimin e plotë të dinamikës dhe shkaqeve që çuan në përmbysjen e mjetit.
