Një qytetar i është drejtuar redaksisë së JOQ Albania për të denoncuar një rast të ndodhur mesditën e sotme në rrugën “Myslym Shyri”, pranë marketit “Gurra”.
Sipas denoncimit, rreth orës 13:57, qytetarit i kanë rënë çelësat nga xhepi pa e vënë re. Në atë moment, një person që lëvizte me një motor të vogël elektrik ka kaluar në zonë, ka ndaluar pak më tutje, është kthyer dhe ka marrë çelësat nga rruga.
Qytetari kërkon ndihmën e kujtdo që mund të ketë informacion për personin apo të ketë parë ngjarjen, me shpresën që çelësat t'i kthehen të zotit.
