A fshihet pas “Nesti Angonit” vëllai i Veliajt?

Ndërsa rreth Erion Veliajt është krijuar një ortek i vërtetë zhvillimesh orët e fundit, pyetja që po ngacmon rrjetin dhe prapaskenat politike është vetëm një: Ku është dhe çfarë po bën i vëllai i tij, Arbër Veliaj?

Në një kohë kur pranë tij u solidarizua familja, nëna, bashkëshortja, fëmija, shokët e afërt, e madje nuk munguan qëndrimet e reagimet edhe nga figura të opozitës si Agron Shehaj apo eksponentë të PD-së, mungesa e vëllait të tij ka rënë në sy më shumë se çdo gjë tjetër.

Ajo që e bën të gjithë situatën akoma më ironike është përplasja mes dy botëve:

• Halit Valteri me lot në sy: Ish-deputeti dhe mbrojtësi i zëshëm i Lalit nuk i ka kursyer lotët dhe emocionet nëpër studio televizive, duke u bërë më "veliaj" se vetë familja e kryebashkiakut.
• Vëllai "Living la Vida Loca": Ndërkohë që njëri është prapa hekurave dhe Valteri fshin lotët mbi ekran, i vëllai raportohet se po bën "pallë ariu" në Vienë, duke shijuar jetën e natës dhe luksin pa u trazuar fare nga hallet e Lalit.

Hallall i qoftë Halitit për çdo pikë loti që ka derdhur me aq shpirt nëpër ekrane për Lalin, por ironia therëse mbetet: a i ka parë vallë i vëllai ato lot nga Vjena, apo ishte i zënë duke shijuar kafenetë dhe jetën e shtrenjtë austriake?

Nëse Lalit "ia zhytën" prapa krahëve Rama dhe Balluku në politikë, siç duket goditjen përfundimtare ia paska dhënë vetë vëllai i tij. Teza se pas emrit apo figurës së "Nesti Angonit" fshihet vetë vëllai po qarkullon si ironia më e hidhur e këtij seriali: njëri në burg, tjetri në Vienë!