Një qytetar nga Vlora ka dërguar në redaksinë tonë një video, përmes së cilës ngre shqetësimin për mënyrën se si po trajtohen mbetjet e punimeve në qytet.
Përmes këtij denoncimi, qytetari shpreh indinjatën për pamjet e ndotjes së mjedisit, duke theksuar se Vlora, me bukuritë e saj natyrore dhe bregdetin, meriton më shumë kujdes dhe përgjegjësi nga të gjithë.
Sipas tij, pamje të tilla po bëhen gjithnjë e më shqetësuese, ndaj kërkon që problemi të bëhet publik dhe institucionet përgjegjëse të reagojnë për të marrë masat e nevojshme.
“Ta duash Vlorën nuk do të thotë vetëm të postosh fotot e bukura të saj, por edhe të reagosh kur ajo dëmtohet”, shprehet qytetari në mesazhin e dërguar në redaksinë tonë.
Përmes publikimit të videos, ai shpreson që shqetësimi të mos kalojë në heshtje dhe të shërbejë si një thirrje për më shumë përgjegjësi në mbrojtjen e mjedisit.
