Detaje të reja janë zbardhur për plagosjen e ndodhur paraditen e sotme në fshatin Shtoj të Shkodrës. Sipas burimeve mediatike, i plagosuri është Taulant Hoti, këngëtar në lokalin ku ndodhi ngjarja.
Sipas informacioneve paraprake, Hoti ishte duke pirë kafen e mëngjesit kur një person i maskuar, me maskë të ngjashme me ato që përdoreshin gjatë pandemisë së COVID-19, iu afrua nga pas dhe e qëlloi me armë zjarri, duke e lënë të plagosur.
Ndërkohë, Policia ka nisur hetimet për zbardhjen e plotë të ngjarjes dhe po punon për identifikimin dhe kapjen e autorit të dyshuar. Deri më tani nuk janë bërë të ditura detaje të tjera lidhur me motivet e plagosjes.
