Shijaku vijon të përballet me një problem që nuk mund të fshihet pas premtimeve, fotove apo postimeve në rrjetet sociale: plehrat e grumbulluara dhe mungesa e një zgjidhjeje të dukshme për qytetarët.
Pamjet e mbeturinave të grumbulluara ngrenë një pyetje të drejtpërdrejtë për kryebashkiakun Elton Arbana: ku është zoti Prezenaca dhe ku është Bashkia e Shijakut përballë kësaj situate?
Pastrimi i qytetit nuk është ndonjë projekt madhor që kërkon ceremoni inaugurimi, as ndonjë favor që u bëhet banorëve. Është një shërbim bazë, për të cilin qytetarët presin të marrin atë që u takon. Ata nuk mund të paguajnë taksa dhe, në të njëjtën kohë, të përballen me plehra të grumbulluara në hapësirat ku jetojnë e lëvizin çdo ditë.
Zoti Arbana, qyteti nuk drejtohet vetëm nga zyra. Drejtohet edhe duke parë nga afër problemet që shqetësojnë banorët dhe duke marrë përgjegjësi për zgjidhjen e tyre. Kur plehrat bëhen pjesë e pamjes së përditshme, qytetarët kanë të drejtë të kërkojnë llogari dhe të pyesin se përse shërbimi i pastrimit nuk po jep rezultatin e pritur.
