Në këtë operacion të jashtëzakonshëm zbardhjeje, lëvizja më gjeniale e deritanishme ka qenë sekuestrimi i kamerave të sigurisë pranë Bankës së Shqipërisë. Hetuesit tanë trima duket se janë nisur nga ideja brilante se ndoshta efektivi ka shkuar të bëjë ndonjë depozitim bankar para se të qëlloj Erionin drejt e në sy. Është vërtet për t'u habitur se si një bankë qendrore qenka çelësi kryesor për të kuptuar se kush e qëlloi protestuesin në sy, ndërkohë që dëshmitarët dhe pamjet e mediave shfaqen çdo ditë në ekrane.
Për ta bërë dosjen sa më të rëndë dhe për të treguar se po "punohet natë e ditë", Prokuroria ka administruar rreth 20 kartela mjekësore të protestuesve të tjerë të dëmtuar, së bashku me atë të Spitalit të Traumës të vetë të dëmtuarit.
Mbetet për tu parë se kush do ta gjej më shpejt efektivin që qëlloi Erionin, Skënder Hitaj apo Prokuroria e Tiranës!
