Serbia është përfshirë nga festimet dhe tensionet pas humbjes historike të kampit politik të Aleksandar Vuçiç në zgjedhjet parlamentare të 25 tetorit. Lëvizja e mbështetur nga studentët ka siguruar shumicën e votave, duke i dhënë fund dominimit politik të Vuçiçit, i cili pranoi humbjen pas 14 vitesh në pushtet.
Pas shpalljes së rezultatit, situata në Beograd u tensionua. Protestuesit hoqën barrikadat dhe çadrat e ngritura nga mbështetësit e Vuçiçit pranë institucioneve shtetërore, ndërsa në zonë u raportuan zjarre. Sipas pamjeve dhe raportimeve të publikuara më 26 tetor, disa demonstrues hodhën gurë drejt autokolonave të policisë, teksa forcat e sigurisë po largoheshin nga zona.
Lëvizja studentore që fitoi zgjedhjet lindi pas tragjedisë së nëntorit 2024 në Novi Sad, ku humbën jetën 16 persona nga shembja e tendës së stacionit të trenit. Ngjarja nxiti protesta masive kundër korrupsionit dhe kërkesa për përgjegjësi institucionale, të cilat përfundimisht u kthyen në një sfidë të drejtpërdrejtë ndaj pushtetit të Vuçiçit.
