Banorët e disa lagjeve të Prishtinës do të mbesin sot pa ujë të pijshëm për shkak të punimeve në rrjetin e ujësjellësit.
Kompania Rajonale e Ujësjellësit “Prishtina” ka njoftuar se ndërprerja do të prekë lagjen Nic, Çagllavicën, lagjen Qëndresa, një pjesë të Veternikut në drejtim të Rezonancës, si dhe Hajvalinë.
Nga KRU “Prishtina” nuk është dhënë një orar i saktë se kur do të rikthehet furnizimi me ujë, duke bërë të ditur se ndërprerja do të zgjasë deri në përfundimin e punimeve.
Qytetarëve të zonave të prekura u është kërkuar mirëkuptim deri në normalizimin e furnizimit.
