Rama e akuzoi për precedent penal, Xhesion Petoku publikon dëshminë: “Jam i padënuar”
27-vjeçari Xhesion Petoku, i arrestuar gjatë protestës pranë Ministrisë së Arsimit, i përgjigjet publikisht kryeministrit Edi Rama, duke publikuar vërtetimin e gjendjes gjyqësore, ku rezulton i padënuar.
Petoku pretendon se është dhunuar nga policia gjatë arrestimit, duke deklaruar se një efektiv i ka vendosur këmbën në fyt. Ai thotë se është nën hetim dhe me masë arresti në shtëpi, jo i dënuar, ndërsa ka depozituar një ankesë në AMP për dhunën e pretenduar.
I riu kërkon gjithashtu verifikimin e pamjeve të kamerave të sigurisë së Ministrisë së Arsimit, të cilat, sipas tij, kanë filmuar ngjarjen.
