Në mesin e 515 rekrutëve të rinj që dhanë sot betimin solemn në Forcën e Sigurisë së Kosovës (FSK), ishte edhe Arlind Selimi, nipi i ish-komandantit të UÇK-së, Rexhep Selimi.
Lajmin e ka bërë të ditur deputetja e Lëvizjes Vetëvendosje, Shqipe Mehmeti-Selimi, e cila ka njoftuar se Arlindi është dalluar për arritje të larta akademike gjatë periudhës së trajnimit.
Ajo ka shprehur krenarinë për suksesin e tij, duke i uruar Arlindit dhe të gjithë ushtarëve të rinj shëndet, suksese dhe mbarësi në shërbim të atdheut.
Betimi i Arlindit shënon një moment të veçantë për familjen Selimi, teksa një brez i ri i saj i bashkohet uniformës dhe shërbimit ndaj Kosovës.
