Gjykata Penale e Tiranës ka caktuar masën e sigurisë “detyrim paraqitjeje” për 10 personat e shoqëruar pas protestës, duke vlerësuar të ligjshëm arrestimin e tyre.
Gjatë seancës, prokuroria kërkoi që ndaj protestuesve të vendosej edhe ndalimi i qëndrimit pranë institucioneve dhe në zonat ku zhvillohen tubime. Kërkesa shtesë nuk u pranua nga gjykata.
Procedurat gjyqësore përfshinë edhe rastin e protestuesit të dhjetë, një 14-vjeçar, çështja e të cilit u shqyrtua nga gjyqtarja për të mitur. I mituri ishte shoqëruar nga policia pas pjesëmarrjes në protestë dhe u paraqit gjatë ditës përpara Dhomës Penale.
Edhe për 14-vjeçarin gjykata caktoi masën “detyrim paraqitjeje”, ndërsa arrestimin e tij e konsideroi të ligjshëm.
