Studentët e mjekësisë kanë nisur marshimin drejt Kryeministrisë, në mbështetje të protestës që po zhvillohet prej 11 ditësh në Tiranë. Ata i janë bashkuar kësaj lëvizjeje, duke shprehur qëndrimin e tyre përmes marshimit në rrugët e kryeqytetit.
Pjesëmarrësit në protestë kërkojnë dorëheqjen e kryeministrit Edi Rama. Marshimi i studentëve vjen në një kohë kur protestat në kryeqytet vijojnë prej disa ditësh, ndërsa qytetarët shprehin kërkesat dhe pakënaqësitë e tyre.
Gjatë marshimit drejt Kryeministrisë, studentët kanë shoqëruar lëvizjen e tyre me thirrjen “Studentët e bashkuar kanë për të fituar”. Ata vijojnë marshimin në mbështetje të protestës, duke bërë thirrje për bashkim dhe solidaritet.
